Kryetari i PD-së Z.Lulzim Basha ka zhvilluar javët e fundit vizita shumë të vlefshme në nivel të lartë politik, diplomatik në Mbretërinë ë Bashkuar, Bruksel dhe USA. Takimet janë zhvilluar me qëllimin për të informuar e bashkëpunuar me politikanë në SHBA dhe Europë. Temat e diskutimit kanë qene të lidhura me situatën politike në Shqipëri dhe rajonin e Ballkanit. Në këta takime është diskutuar për korrupsionin në nivele të larta i qeverisë Rama, zgjedhjet e lira e të pa kontestuara, situatën politike në Kosovë dhe Bosnjë. Zoti Basha dhe Zoti Xhemal Gjunkshi, sekretar për Sigurinë Kombëtare dhe koordinimin Euro-Atlantik në PD, takuan në Londër, Lordin David Richards. Gjatë takimit kanë diskutuar për një sërë sfidash me të cilat po përballet Shqipëria, Ballkani Perëndimor dhe komuniteti Euro-Atlantik sot. Zoti Basha ka diskutuar për përpjekjet e SPAK-ut, në luftën kundër korrupsionit dhe domosdoshmërinë për të çuar përpara drejtësisë këdo që ka abuzuar me paratë e shqiptarëve. Zoti Basha e ka informuar Lordin Richards mbi propozimin për depozituar në parlament ligjin për vetting-un e politikanëve, një nismë që synon të largojë nga politika politikanët e korruptuar dhe të lidhur me krimin. Ata kanë diskutuar gjithashtu për situatën e sigurisë në Ballkanin Perëndimor, dhe sfidat aktuale pas sulmit terrorist të 24 shtatorit në Banjskë, përpjekjet e vazhdueshme për ndarjen dhe destabilizimin e Bosnje Hercegovinës nga Dodic dhe koalicioni i ri qeverisës në Malin e Zi, ku në përbërje të saj janë persona të njohur për qëndrimet e tyre destruktive dhe lidhjet me Moskën. Zoti Basha ka theksuar në këta takime domosdoshmërinë, që Kosova të nisë sa më parë proçesin e anëtarësimit në NATO dhe në funksion të paqes së qëndrueshme në rajon, hapjen e këtij proçesi përmes heqjes së pengesave nga 4 vendet anëtare që akoma nuk e kanë formalizuar njohjen e saj. Ata kanë diskutuar edhe për agresionin rus në Ukrainë dhe pasojat që ka shkaktuar ai. Lordi Richards mirëpriti avancimin e rezolutës mbi mbështetjen e Rindërtimin të Ukrainës, në Këshillin e Europës. Zoti Basha e ka falenderuar Lordin Richards për kontributin që Britania e Madhe ka dhënë për Shqipërinë në momente të rëndësishme për vendin. Partia Demokratike duke e konsideruar Britaninë e Madhe një aleat strategjik, është e angazhuar gjithashtu që me miqtë e saj në këtë vend, të kontribuojë për avancimin e të drejtave të shqiptare kudo ku ata jetojnë. Zoti Basha ka zhvilluar biseda të veçanta me miq dhe partnerë të PD-së, në takimin e Komitetit Ekzekutiv IDC-CDI (Organizata e Partive të Qendrës dhe Qendrës së Djathtë) në Bruksel.