Ai është edhe pjesë e bandës “Zamir Balliu” të kontrabandës së hekur-nikelit, makinave e trafikut të drogës, ndërsa kur Bledar Çuçi ishte Ministër Bujqësie e Ministër i Brendshëm, Eral Myftaraj deklaronte se bizneset i kishte bashkë më të, prandaj asnjë institucion ligj-zbatues nuk e preku e nuk po e prek…

Me afrimin e zgjedhjeve, kupola e pushtetit po afron personazhet e botës së krimit të përfshirë në biznese, duke urdhëruar drejtorët e kryebashkiakët, t’u japin sa më shumë fonde nëpërmjet tenderëve të sajuar, për të mbledhur miliona për vota, të mbushin xhepat e të fortëve dhe të bëjnë propagandë me gjoja investime zonale.

Këtë urdhër e ka zbatuiar dhe drejtori i Ujësjellësi i Qarkut të Elbasanit, Luan Tabaku, i emëruar nga bandat e Elbasanit, i cili ka sajuar tender, për gjoja rikonstruksionin e ujësjellësit të fshatrave Trash e Karthnek të Peqinit.

Ky tender me fond limit afro 2.4 milionë Euro pa TVSH, është zhvilluar brenda 10 ditësh me procedurë të përshpejtuar dhe i është dhënë kompanisë “AL-MEXWOOD Sh.p.k”.

Kjo është në pronësi të kontrabandistit e trafikantit Eral Myftaraj nga Gramshi, që ka biznese në Elbasan, Tiranë, Cërrik e Peqin, me të cilin, ortak faktik është ish-ministri e Zv/kryetari i Kuvendit, Bledar Çuçi.

Tenderi i është dhënë në vlerë kontrate 2.7 milionë Euro me TVSH, ose sa 99.3% e fondit limit që kishte vendosur Ujësjellësi i Qarkut të Elbasanit, por i është dhënë pa garë, duke bashkuar formalisht kompaninë “AL-MEXWOOD Sh.p.k” me dy kompanitë “2A CO Sh.p.k” e “ED KONSTRUKSION Sh.p.k” të lidhura me kupolën e PS.

Në njoftimin e datës 3 shkurt 2025, Drejtoi i Ujësjellësit- Elbasan, Luan Tabaku, thotë se gjatë garës në tenderin e ujësjellësit të fshatrave Trash e Karthnek të Peqinit, u zbatua ligji për garë të hapur e ofertë më të ulët, kur faktikisht nuk kishte garë e oferta të tjera, përveç ofertës së mikut e ortakut të Bledar Çuçit.

Provat kanë treguar, se mafiozi “i heshtur” Eral Myftaraj nga Gramshi, me fuqinë e ish-ministrit Bledar Çuçi, është futur në elitën e trafikantëve dhe të biznesmenëve, por dhe në “tepsinë” e pushtetit, duke marrë deri tani 60 milionë Euro tenderë, vetëm me 2 nga 4 kompanitë e tij, konkretisht “Meteo Sh.p.k” e “AL-MEXWOOD Sh.p.k”.

Bashkë me Bledar Çuçin, i forti Eral Myftaraj ka marrë dhe një pasuri shtetërore falas për 35 vite, konkretisht fidanishten e Cërrikut me sipërfqe 10 mijë m2, si koncesion për kultivimin, rritjen dhe tregtimin e fidanëve të çdo lloji, dhënë me vendim të kryeministrit Edi Rama, por iu dhurua dhe një fond ndihme 875 milionë lekë.

Kujtojmë, që Eral Myftaraj është dhe pjesë e bandës “Zamir Balliu” të kontrabandës së hekur-nikelit, makinave e trafikut të drogës, ndërsa kur Bledar Çuçi ishte Ministër Bujqësie e Ministër i Brendshëm, Eral Myftaraj deklaronte se bizneset i kishte bashkë më të, prandaj asnjë institucion ligj-zbatues nuk e preku e nuk po e prek./Pamfleti

Një rrjet i infiltruar në drejtësi dhe politikë; me ministra, deputetë dhe oficerë të rekrutuar nga Kreshnik Farruku për të sabotuar hetimet, shmangur ekstradimet dhe fshehur 2 tonë kokainë. SPAK mban në sirtar provat, ndërsa „Nikita“ e Prokurorisë ende e paprekur nga drejtësia…

Disa fashikuj të dosjes ‘Toyota Yaris’, çështje e cila po hetohet nga Altin Dumani dhe Klodian Braho, tregojnë se si prokurorë të Krimeve të Rënda, OPGJ, gjyqtarë, avokatë dhe deputetë ishin rekrutuar dhe korruptuar nga figurat e krimit të organizuar, për t’i shpëtuar veprimit të drejtësisë, ekstradimit dhe për të sabotuar kërkesat e autoriteteve partnere për të kryer veprime hetimore ndaj tyre. Shumica e të implikuarve nuk po goditen nga Altin Dumani pasi disa prej tyre dinë shumë gjëra dhe pasojat mund të jenë të paparashikueshme.

Ka gjithashtu një interes të madh që kryesekserja nê ish Prokurorinë e Krimeve të Rënda Erjona Daupaj, e njohur si “Nikita” e Prokurorisë, të mos kapet kurrë, pasi nëse arrestohet, ajo mund të flasë duke tronditur sistemin.

Në këtë dosje del në pah edhe i ashtuquajturi Klani Farruku, një prej funitorëve më të mëdhenj të kokainës në Itali dhe Spanjë. Klani Farruku rezulton se nuk ka rekrutuar vetëm ish deputetin e PS-së, Jurgis Çyrbja, i cili dekonspironte aksionet policore, duke raportuar tek kreu i klanit, Kreshnik Farruku.

Duke mos pasur besim tek policia shqiptare, agjentë spanjollë dhe italianë kanë monitoruar nga afër në Durrës lëvizjet dhe takimet e dy vëllezërve Farruku, të cilët që në vitin 2021 kërkoheshin nga drejtësia italiane për veprat penale “Organizatë kriminale” dhe “Trafikim i lëndëve narkotike”, ndërsa në Spanjë po hetoheshin për porositjen e 2 tonë kokainë në Ekuador, e cila do futej në Spanjë. Nuk dihet nëse agjentët e huaj kanë bashkëpunuar me Shërbimin Informativ Shqiptar.

Çfarë është konstatuar?

Në raportin e vëzhgimit konstatohet se vëllezërit Farruku kishin rekrutuar edhe ministrin e Brendshëm, Bledi Çuçi. Ky i fundit, kur ishte ministër i Brendshëm, rezulton se ishte një nga kontaktet fizike të drejtërdrejta të vëllait të madh, respektivisht kryetar i klanit Farruku. Gjatë kohës kur ishte ministër i Brendshëm, Bledi Çuçi është fotografuar teksa dyshohej se po i raportonte Farrukut, ndoshta edhe për letrat e autoriteteve italiane që kërkonin arrestimin e tij.

Bledi Çuçi u shkarkua nga Edi Rama në mënyrë të befasishme si ministër i Brendshëm në korrik të vitit 2018. Nuk dihet nëse Rama është sinjalizuar për implikimin e Çuçit në klanin kriminal të Farrukut. Por, lidhja e ish ministrit me grupin kriminal, është e konfirmuar me prova dhe fakte. Gjithashtu, gjatë kohës kur Çuçi ishte ministër i Brendshëm, grupi Farruku vepronte i sigurt në Durrës.

Po ku ka përfunduar sot informacioni për Bledi Çuçin?

A i ka fshehur SPAK-u provat për Bledi Çuçin siç ka fshehur për disa prokurorë të vet dhe gjyqtarë të GJKKO? Kujtojmë se ish minustri Çuçi është i skeduar edhe për lidhje të tjera me krimin e organizuar. Disa anëtarë të grupeve kriminale mburren me fotot në dreka dhe darka me Çuçin. Ish ministri Çuçi është zyrtarisht ortak me disa trafikantë droge edhe në shoqatën e jahteve dhe skafeve “Albanian Sailing Club Sh.p.k” me adresë “Kepi i Rodonit“, me Roland Ziun, Eral Myftarjan etj.

Kush është Kreshnik Farruku alias Kreshnik Budlla?

Kreshnik Farruku (Budlla) ka përdorur 10 emra për t’i shpëtuar drejtësisë, teksa në maj të vitit 2010, u arrestua së bashku me 7 anëtarë të tjerë të bandës në Barcelonë për trafik kokaine.